PENUSAH SELALU NADAI AI BERESI

Selamat betemu baru semua,lama aku udah enda online,nyau deka 2 bulan,pengelamanya aku pulai ke menua aku di kapit.Lama enda pulai berasai mayuh pemangsang udah berubah ba kapit,warf sibu udah tembu,rumah mayuh udah digaga ba menua kapit.Tang ya kenyadi penanggul agai bala rakyat ba kapit ya nya penanggul selalu putus penatai ai beresi.Ai ke terima nyau kuning,serta enti udah ditambun lama ya alu bisi tugi,bisi kelodak.Laban penanggul ya,mayuh orang kena sakit kelebih agi bala anak mit.Tiap2 bulan kitai mayar bil ai tang kualiti ai nadai.Nyadi nadai penguntung kitai mayar agai perkhidmatan ke enda memenuhi piawaian.Nyadi arap ke sida ke betanggungjawab dalam hal tok enggau nangka penyampat mutar ke penanggul tok.

Bantu Perintah Besai agai orang tuai RM60 sebulan

Perintah besai udah meri ungkup duit bantu agai seraban orang tuai ke enda dapat ngereja pengawa serta nadai penatai pemisi ya diau ba rumah panjai ba pelilih menua kitai di kapit.tiap-tiap bulan sida ya ke bulih bantu tuk deka nerima duit tulung nya penyampau RM60 siko.

Diatu udah taun melenium ko jaku maya ari diato,taun 2010,ukai taun 70an,80an.Semua rega barang,kos sara idup udah mar magang,rega beras 10kg udah RM20,empai rega barang pemakai ke bukai baka perengka dapur,biching,garam,bawang,minyak makai,serta ya ke bukai.Tambah mega rega barang ba menua kitai di kapit mar magang.Cukup ke enda bantu nya RM60 dikena bebeli ke semua rengka pemakainya?

Kemayuh agik orang tuai ke bulih bantu nya diau ba rumah panjai,belah ulu-ulu sungai,tiap-tiap bulan sida ke pasar ngambi duit tulung nya,bekeradai meh tudah tuai mansar tulang ke udah enda dapat nurun ke pasar kapit,nepan belah orang ke bisi nurun kepasar kapit,tauka nepan express enti baka rumah panjai sida bisi kena pansa express.Nyadi tambang nya nitih ke penyauh,enti baka tungga ari Merit,tambang express nyau ka RM20 siko,pulai mansang udah nyau RM40,sedangkan penyampau tulung nya RM60,bah....cukup ke enda duit bantu nya kena tudah tuai bebeli ke anak lauk,anak garam,biching,beras?.Empai agik kena bebeli ke ubat tudah tuai.

Aku ukai ka mempertikai ke duit bantu ke diberi perintah besai nya agai orang tuai,tang kitai semua tau berunding kediri,cukup ke enda RM60 sebulannya dikena sida ya ngidup kediri?.Lalu siti da agik ya ngasuh ati aku alit bendar iyanya bisi sekeda sida bulih bantu sampai RM300 lebih.Kati tau bakanya,baka ke beciping lebuh meri duit bantunya.Lalu.Lapa bantu nya enda dseragamkan?.Enda lama agik menua kitai deka bepipih ke perintah baru,isu tok gerenti nyadi siti ke senjata dikena parti pembangkang kena sida narit ati penggundi.

Pandak mulut engkerasak,panjai mulut kitai ko sida indai madah,amatnya,nama kebuah pekara tok sigi nyadi ke buah mulut orang,laban cara atur perintah meri duit tulung nya baka ke beciping lalu sida nadai meri penerang ke silik agai rakyat tentg pekara ya,minta perintah besai berati ke pekara tok awak ke enda ngenusah ke rakyat ya empu.Manah agi perintah enda ibuh meri duit bantu enti semina RM60,labannya ukai meri sida ke tuai pengelempung lebuh tik nadai orang nupi,tang nya semina ngenusah ke sida ya aja.Munyi ko jaku tuai,'nadai tali rutan nyadi meh'tang dunya udah berubah,sapa ke nulung bangsa iban,enti enda bangsa iban empu.

Sungai Batang Rajang jauh amai surut laban Bakun

sungai batang rajang semakin surut enggau jampat pengudah Empangan Bakun disekat,persoalan,enti kemarau panjai,adakah batang rajang akan alit sereta enda ulih ditengah bot express agik?.Baka nie enggau laluan penduduk kapit tik selalu ngena batang rajang sebagai jalai utama agai pasar kapit enti batang rajang semakin pabu?.adakah kerajaan akan mempercepatkan proses membuat jalan raya?

Mukat

Mukat antara siti jalai pengidup bagi penduduk ba menua Kapit kena nampung pengidup kemaya ari diatu.ikan ke ulih pukat disimpan dalam sangkar enti agik idup,tauk ke diais enti udah mati sebedau dijual agai pemborong ba pasar Kapit.

Ikan Padi

Ikan Padi ditangkap ngena 'pukat pisit'.serta berega dijual enti udah masuk berat 500grm keatas.

Rampa Pasar Kapit Tinjau ari Atas Ngena Bilun Engkabang

Hala Tuju Bangsa Iban ba abad ke-21

Dunya nyau makin berubah,cara idup kitai iban pun mayuh berubah nimpai enggau arus globalisasi.Kitai iban mayuh pandai sekula,belajar tinggi smpai PhD,bisi mega megai tampuk perintah besai ba Malaysia,kelimpah arinya bisi mega kitai iban muka dagang kediri empu,ulih meri saingan agai bangsa bukai,TAPI...utai ke deka dibai aku diperunding ka kitai semua ianya pasal "adat lama bangsa kitai iban"nyau makin pupus ari tahun ke tahun laban kitai terunda-runda enggau cara adat bangsa bukai ke datai ngerembai ba menua kitai baka ke diatu.

Dipelaba ke hampir 70%,anembiak iban rebak baru nadai nemu pasal cara adat lama iban,ketegal sida nadai minat enngau semuanya,Nama kebuah tau bakanya?.Nama kebuah sida ya enda minat serta enggai belajar ke adat lama iban?.Angka laban nadai peransang ari apai indai sida ya?.Atau apai indai sida ya empu pun enda nemu pasal adat lama iban?.Ba sapa kitai bulih penerang agai soalan tuk?.Salah sapa?,atau kitai sama bela angkat bahu madah enda nemu.

Uji kiai berati ke sejarah kitai iban kelia.Kitai meh siti bangsa ke besai,berani,kering,tebilang nama,enda nyalah baka cerita 'RENTAP',siku bujang berani ngembuan ati tik kuat,enda ngaku alah,ngimpun penegap runding ngelaban koloni menya.Kelimpah ari cerita Rentap bujang berani ya,mayuh agik cerita-cerita bukai tik ulih kitai baca ba bup tau ke ensera ditusi ba saluran radio kitai iban ba RTM.Tiap-tiap tumu pagi hari tiga lalu ulangan ba hari minggu(enti enda berubah waktu).Kitai bisi ninga sada nyawa DJ ya ke popular En.Thomas Tegong Laka nusui ke kitai jerita lama ke dikumbai 'Pengingat Tuai'.Nyinuk kitai ninga ke leka nyawa En.Thomas tik manah serta ngakun pusin jalai jerita lamanya.TAPI..bisi kitai sama berunding ke cara pngidup orang ke dalam cerita ya?.Bisi ke kitai berati cerita ya dikena kitai ba pengidup kemaya ari diato?
Atau kitai nadai runding nama-nama?

Enti kitai iban nguna pengeransing ati baka aki,inik kitai kelia,aku asai,kitai iban ulih enggau orang megai dunya lebih agik ari kediato,ngembuan penegap ati enggau sama iban,bgerempung ngereja pengawa,ngerembai ke adat serta pengarap kitai kelia.Aku rasa 'Enda Lenyau Iban Ba Dunya'.kitai iban ngembuan ati ti ransing ngereja pengawa,likun dalam bejalai ke pengidup,nya alai kitai iban bangsa ke ketakut ke bangsa bukai menya.Kitai 'Ngayau'kena ngulih ke pengeraja,nama,serta ngambi ke tebilang nama,tampak rita.Nama kebuah bangsa iban kemaya hari tok enda nguna caranya kena kitai ngerembai ke agik 'paung'ya ke ditinggal ke 'Niang aki,inik'kitai suba?.Enda ibuh la kitai ngayau bebunuh ke orang,laban dunya diato udah bisi undang-undang.Tang kitai ngayau ngena cara baru,ngena pemandai kitai ke besekula,ngena penuduk kitai ke megai dunya.Tang,mayuh kitai iban ke udah pandai besekula,bepangkat tinggi enda ingat ke asal diri empu,bejaku enggau diri sebilik enggai enda bejaku 'bangsa ribai',nunda cara pngidup cara bngsa bukai.

Nyadi nadai salah kitai nguna pemadai enggau penududuk kitai ke megai menua,kena kitai ngerembai ke bangsa diri,anag bedengki enggau sama diri,betulung ngerembai ke adat kitai agai purih kitai ke jemah ila,awak ke adat lama kitai enda pupus,awak ke bangsa iban tebilang ukai aja ba Malaysia,tang ba serata dunya.serta.Anang sampai 1 hari kitai cuma nemu bngsa iban,tang budaya,adat kitai udah lenyap layu sulai.