Adat Bemanang

Kemaya hari tok kitai jarang amat meda tauka ninga orang bemanag.Laban ubah pemansang dunya ke nyau makin berubah,pia mega cara idup kitai iban pun mayuh berubah.Kelimpah arinya bangsa iban nyau mayuh masuk agama bukai serta anembiak rebak baru nyau pandai sekula lalu diau dinegeri.

Bemanag,iyanya siti pengawa lama ba rumah panjai dikena orang berintu lebuh bisi bala ke enda manah mimpi tau ke kenyap.kelimpah arinya bemanang mega dikena bebunuh buyu,lebuh bisi bala ke kena ayah ke utai ti enda dipeda mata kasar kita mensia(buyu).Nyadi orang ke megai pengawa tok dikumbai orang manang.biasanya manang tok bulih penemu ari dipadah ke antu serta ya enda tau enda bebangun.serta ya lalu bisi ngembuan mayuh rengka ubat ti dikumbai orang pengaruh tauka sakang kena ya ngubat orang tauke ngambi semengat,makai mimpi,muai burung.


Kelimpah ari ke berintu ke orang agik idup,manang mega ngadu ke pengawa lebuh bisi orang mati.manang selalu ya diguna lebuh maya beserara bungai enti timpoh maya ngulit udah abis.Maya beserara bungai,manang deka meri orang ke parai ya makai asi serta madah ke ya sempekat ba dunya enggau dunya sebayan.Laban enti maya siku-siku orangnya mati,seagik empai beserara bungai ya enda nemu diri udah mati.Nya kebuah pengawa beserara bungai ya enda tau enda digaga ngambi ke semengat orang ya udah matinya enda agik ngacau orang ke agik idup.

Nyadi bakanya meh serba ringkas pengawa bemanang tik agik dikembuan bala iban ba menua kapit ya ke agi megai adat lama.Arap ke pembaca bisi bulih penerang mimit ke pasal orang ke bemanag.